വയനാട് ദുരിതാശ്വാസനിധിയിലേക്ക് ഒരുദിവസത്തെ വേതനം സംഭാവനയായി നൽകി കാടാമ്പുഴ ക്ഷേത്രത്തിലെ ജീവനക്കാർ

കാടാമ്പുഴ: കാടാമ്പുഴ ഭഗവതീക്ഷേത്ര ജീവനക്കാർ മുഖ്യമന്ത്രിയുടെ വയനാട് ദുരിതാശ്വാസ നിധിയിലേക്ക് ഒരുദിവസത്തെ വേതനം സംഭാവനയായി നൽകി. ക്ഷേത്രപരിസരത്ത് നടന്ന ചടങ്ങിൽ ദേവസ്വം എക്സിക്യുട്ടീവ് ഓഫീസർ ടി. ബിനേഷ്‌കുമാറിൽനിന്ന് ജില്ലാകളക്ടർ വി.ആർ. വിനോദ് ചെക്ക് ഏറ്റുവാങ്ങി. ക്ഷേത്രത്തിലെയും ഡയാലിസിസ് സെന്ററിലെയും ജീവനക്കാർ, സെക്യൂരിറ്റി ജീവനക്കാർ, താത്കാലിക ജീവനക്കാർ എന്നിവരിൽനിന്നാണ് തുക സമാഹരിച്ചത്.