ജില്ലാ സ്കൂൾ കലോത്സവം 26-ലേക്ക് മാറ്റി

മലപ്പുറം : സംസ്ഥാന കലാമേളയുടെ തീയതി മാറ്റിയ സാഹചര്യത്തിൽ ജില്ലാ സ്കൂൾ കലോത്സവം നവംബർ 26 മുതൽ 30 വരെ തീയതികളിലേക്ക് മാറ്റിയതായി ജില്ലാ വിദ്യാഭ്യാസ ഓഫീസർ അറിയിച്ചു.നേരത്തേ 19 മുതലാണ് നടത്താൻ നിശ്ചയിച്ചിരുന്നത്. 26-ന് രചനാമത്സരങ്ങൾ കോട്ടൂർ എ.കെ.എം. ഹയർസെക്കൻഡറി സ്കൂളിൽ നടക്കും. തുടർന്നുള്ള ദിവസങ്ങളിൽ സ്റ്റേജ് മത്സരങ്ങൾ രാജാസ് ഹയർസെക്കൻഡറി സ്കൂളിലും നടക്കും. സംഘാടകസമിതിയോഗം ഈ മാസം 16-നുതന്നെ രാജാസ് ഹയർസെക്കൻഡറി സ്കൂളിൽ ചേരും. ജനുവരി ആദ്യവാരത്തിലാണ് സംസ്ഥാന സ്കൂൾ കലോത്സവം തിരുവനന്തപുരത്ത് നടക്കുക.