ആലത്തിയൂർ കെ.എച്.എം.എച്.എസ.എസിൽ കേരളപ്പിറവി ദിനാഘോഷം സംഘടിപ്പിച്ചു

ആലത്തിയൂർ: കേരളപ്പിറവി ദിനത്തോടനുബന്ധിച്ച് മലയാള വേദി സംഘടിപ്പിച്ച പരിപാടികൾ പ്രധാന അധ്യാപിക എം ബിന്ദു ഉദ്ഘാടനം ചെയ്തു. എല്ലാ ക്ലാസിലും മലയാളം ക്ലബ്ബ് അംഗങ്ങൾ ക്വിസ് മത്സരം നടത്തി. സമ്മാനം വിതരണം ചെയ്തു. തുടർന്ന് മംഗലംകളിപ്പാട്ട്, നാടൻ പാട്ട്, കാവ്യാലാപനം, പ്രശ്നോത്തരി എന്നിവ നടത്തി. മലയാളഭാഷ നേരിടുന്ന വെല്ലുവിളികൾ എന്ന വിഷയത്തിൽ സംവാദം നടന്നു. പി കെ സുകുമാരൻ, അബ്ദുൽ നാസർ, എം ബിനീഷ്, മുഹമ്മദ് റാഫി, സതീഷ് ചന്ദ്രൻ, തുളസി ദേവി, പി അബ്ദുള്ള, എസ് ആർ ദീപ്തിരാജ് എന്നിവർ പ്രസംഗിച്ചു.