വളാഞ്ചേരി നഗരസഭ വാർഡ് സഭയുടെ മുനിസിപ്പൽ തല ഉദ്ഘാടനം ഡിവിഷൻ 5 കാരാടിൽ വെച്ച് നടന്നു

വളാഞ്ചേരി :-വളാഞ്ചേരി നഗരസഭ വാർഡ് സഭയുടെ മുനിസിപ്പൽ തല ഉദ്ഘാടനം ഡിവിഷൻ 5 കാരാടിൽ വെച്ച് നടന്നു. ബ്ലോക്ക് കോൺഫറൻസ് ഹാളിൽ വെച്ച് നടന്ന വാർഡ് സഭയോഗം നഗരസഭ ചെയർമാനും വാർഡ് കൗൺസിലറുമായ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു. വിദ്യാഭ്യാസ കലാ-കായിക സ്റ്റാൻ്റിംഗ് കമ്മിറ്റി ചെയർമാൻ മുജീബ് വാലാസി അദ്ധ്യക്ഷത വഹിച്ചു.എം.പി ഹാരിസ് മാസ്റ്റർ സ്വാഗതം പറഞ്ഞു.വാർഡ് സമിതി അംഗങ്ങളായ എം. കുഞ്ഞിമുഹമ്മദ്‌, പിവി. അബ്ദുറഹ്മാൻ, എൻ. ഹസ്സൈനാർ, എംപി. മുജീബ് റഹ്മാൻ,കെ.ടി അദീദ്,കെ. ഫാത്തിമ ക്കുട്ടി എന്നിവർ സംസാരിച്ചു.

വളാഞ്ചേരി നഗരസഭ 2025- 26 വർഷത്തെ വാർഷിക പദ്ധതി രൂപികരണത്തിനോടനുബന്ധിച്ച് 16 വർക്കിംഗ് ഗ്രൂപ്പിൽ നിന്നുമുള്ള നിർദേഷങ്ങൾ സംബന്ധിച്ച്,അയ്യങ്കാളി നഗര തൊഴിലുറപ്പ് പദ്ധതി 2025-26 വാർഷിക പദ്ധതി രൂപികരണം സംബന്ധിച്ച്,2024-25 വാർഷിക പദ്ധതി ഭേദഗതി അംഗീകാരം സംബന്ധിച്ച് എന്നിവയെ കുറിച്ച് വാർഡ് സഭ കോർഡിനേറ്റർ സജിൻ വാർഡ് സഭയിൽ അവതരിപ്പിച്ചു.തുടർന്ന് വാർഡുകളിൽ നടപ്പിലാക്കേണ്ട പദ്ധതികളെ സംബന്ധിച്ചുള്ള ചർച്ചകളും നടന്നു. വാർഡ് സഭയിൽ പങ്കെടുത്തവർക്കെല്ലാം മാവ്,ചെറി,പീനറ്റ് ബട്ടർ തുടങ്ങിയ ഫലവൃക്ഷ തൈ വിതരണം ചെയ്യുകയും,പങ്കെടുത്തവരിൽ നിന്നും നറുക്കെടുപ്പിലൂടെ തിരഞ്ഞെടുത്ത വിജയിക്കുള്ള സമ്മാനം വിതരണവും നടന്നു.