പത്തു രൂപയുടെ കളർ കുപ്പി വെള്ളങ്ങളുടെ വിൽപ്പനയും ഉപയോഗവും നിരോധിക്കണം : ജില്ലാ പരിസ്ഥിതി സമിതി

മലപ്പുറം: ഗുരുതരമായ ആരോഗ്യപ്രശ്നങ്ങൾക്കിടയാക്കുന്ന പത്തു രൂപ കളർ കുപ്പിവെള്ളങ്ങളുടെ വിൽപനയും ഉപയോഗവും ജില്ലയിൽ നിരോധിക്കണമെന്ന് ജില്ലാ പരിസ്ഥിതി സമിതി ജില്ലാ കലക്ടർക്ക് നൽകിയ നിവേദനത്തിൽ ആവശ്യപ്പെട്ടു. വൃക്ക രോഗികൾ നിത്യേന പെരുകിവരുന്ന മലപ്പുറത്ത് യുവാക്കൾക്കിടയിലും, വിദ്യാർത്ഥികൾക്കിടയിലും മാരക രാസവസ്തുക്ക ളടങ്ങിയ കുപ്പിവെള്ളങ്ങൾ, ബേക്കറി ഇനങ്ങൾ, ജങ്ക് ഫുഡുകൾ എന്നിവയുടെ ഉപയോഗം കുറക്കാൻ വ്യാപക പ്രചരണപ്രവർത്തനങ്ങൾക്ക് തുടക്കം കുറിക്കണമെന്നും സമിതി ആവശ്യപ്പെട്ടു. ലത്തീഫ് കുറ്റിപ്പുറം അദ്ധ്യക്ഷത വഹിച്ചു.