ആതവനാട് ഫർണീച്ചർ നിർമ്മാണ കേന്ദ്രത്തിൽ യന്ത്രത്തിൻ്റെ ബ്ലേഡ് ശരീരത്തിൽ തട്ടി തൊഴിലാളിക്ക് ദാരുണാന്ത്ര്യം

ആതവനാട്: ആതവനാട് ഫർണിച്ചർ കമ്പനിയിൽ കട്ടിങ് മെഷീൻ ദേഹത്ത് തട്ടി തൊഴിലാളിക്ക് ദാരുണാന്ത്യം. ആതവനാട് മാസ് ഫർണിച്ചർ കമ്പനിയിൽ രാത്രി 8 മണിയോടെയാണ് അപകടം സംഭവിച്ചത്. ഉത്തർപ്രദേശ് സ്വദേശിയായ സുബ്ഹാന്‍ അലി(23)യാണ് മരണപ്പെട്ടത്. 15 ഓളം പേർ ജോലി ചെയ്യുന്ന കമ്പനിയിൽ ജോലിക്കിടയിൽ ഇയാളുടെ കയ്യിൽ നിന്നും ചെയ്യുന്നതിനിടയിൽ കട്ടിങ് മെഷീൻ ശരീരത്തിൽ തട്ടുകയായിരുണ്ണു. അടിവയറിൽ പരിക്കേറ്റ ഉടൻ തന്നെ ഇയാളെ കൂടെ ജോലി ചെയ്യുന്നവർ നാട്ടുകാരുടെ സഹായത്തോടെ വളാഞ്ചേരി നടക്കാവ് ഹോസ്പിറ്റലിൽ എത്തിച്ചുവെങ്കിലും ജീവൻ രക്ഷിക്കാനായില്ല. അടുത്ത മാസം സുബ്ഹാൻ അലിയുടെ വിവാഹം നടക്കാനിരിക്കെയാണ് അപകടം സംഭവിച്ചത്. മൃതദേഹം വളാഞ്ചേരി നടക്കാവ് ഹോസ്പിറ്റലിൽ മോർച്ചറി സൂക്ഷിച്ചിരിക്കുകയാണ്.