വ്യാപാരിക്ക് മർദ്ദനം; കൽപകഞ്ചേരിയിൽ ഒരാൾ അറസ്റ്റിൽ
കൽപകഞ്ചേരി: പണം പലിശയ്ക്കെടുത്തതുമായി ബന്ധപ്പെട്ടുണ്ടായ തർക്കത്തിൽ വസ്ത്രവ്യാപാരിയെ മർദിച്ചെന്ന പരാതിയിൽ ഒരാൾ അറസ്റ്റിൽ. പൊന്മുണ്ടം ചിലവിൽ കളത്തത്തൊടുവിൽ നാസറിനെ(52)ആണ് എസ്ഐ പി.എസ്.മഞ്ജിത് ലാലും സംഘവും അറസ്റ്റു ചെയ്തത്. വൈലത്തൂരിലെ വ്യാപാരിയും കാസർകോട് സ്വദേശിയുമായ ഉരുളിത്തടുക്ക ഇസ്മായിലിന്റെ പരാതി പ്രകാരമാണ് അറസ്റ്റ്. നാസർ, ഇസ്മായിലിനെ പട്ടികകൊണ്ട് അടിച്ചു ചെവിക്കും കൈക്കും പരുക്കേൽപിച്ചതായി പൊലീസ് പറഞ്ഞു. പ്രതിയെ കോടതിയിൽ ഹാജരാക്കി. സിപിഒമാരായ പ്രശാന്ത്, അനിൽ, വിഷ്ണു, ബൈജു എന്നിവരും പൊലീസ് സംഘത്തിൽ ഉണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
