ഇരിമ്പിളിയത്ത് നിർമാണപ്രവർത്തനങ്ങൾക്ക് നിയന്ത്രണം

ഇരിമ്പിളിയം: പ്രകൃതിക്ഷോഭവും മഴക്കെടുതികളുമുണ്ടായ സാഹചര്യത്തിൽ ഉരുൾപൊട്ടൽ, മണ്ണിടിച്ചിൽ എന്നിവ മൂലമുള്ള അപകടങ്ങൾ കുറയ്ക്കുന്നതിന് മുൻകരുതലുകൾ സ്വീകരിക്കുന്നതിന്റെ ഭാഗമായി ഇരിമ്പിളിയം പഞ്ചായത്ത് പരിധിക്കുള്ളിൽ നടന്നുകൊണ്ടിരിക്കുന്ന എല്ലാ കെട്ടിടനിർമാണ പ്രവർത്തികളും ഇനിയൊരറിയിപ്പുണ്ടാകുന്നതുവരെ നിർത്തിവെക്കണമെന്ന് പഞ്ചായത്ത് സെക്രട്ടറി അറിയിച്ചു. കളക്ടർ പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് സെക്രട്ടറിയുടെ അറിയിപ്പ്‌.