എസ്.എസ്.എൽ.സി, പ്ലസ് ടു വിജയികളെ അനുമോദിച്ച് ആബിദ് ഹുസൈൻ തങ്ങൾ എം.എൽ.എയുടെ ‘വിജയോത്സവം‘

വളാഞ്ചേരി:ഈ വർഷത്തെ എസ്.എസ്.എൽ.സി ,പ്ലസ് ടു പരീക്ഷയിൽ മുഴുവൻ വിഷയങ്ങൾക്കും എ പ്ലസ് ഗ്രേഡ് നേടിയ കോട്ടക്കൽ നിയോജക മണ്ഡലത്തിലെ എല്ലാ വിദ്യാർത്ഥികളേയും അനുമോദിക്കുന്നതിന് പ്രൊഫ.ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ ‘വിജയോത്സവം’ സംഘടിപ്പിച്ചു.

വളാഞ്ചേരി-കാവുംപുറം സാഗർ ഓഡിറ്റോറിയത്തിൽ 9 ന് പരിപാടി പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്തു. പ്രൊഫ.ആബിദ് ഹുസൈൻ തങ്ങൾ എം.എൽ.എ അധ്യക്ഷത വഹിച്ചു. കരിയർ ഗുരു എം.എസ്. ജലീൽ കരിയർ ഗൈഡൻസ് ക്ലാസെടുത്തു.

സിവിൽ സർവ്വീസ് റാങ്ക് ജേതാവ് മുഹമ്മദ് സജാദ് വിദ്യാർത്ഥികളുമായി സംവദിച്ചു. ചടങ്ങിൽ വിദ്യാർത്ഥിപ്രതിഭകൾക്ക് എം.എൽ.എ അവാർഡ് നൽകി അനുമോദിച്ചു.
Summary: Abid hussain thangal mla conducts vijayolsavam to felicitate sslc plus two winners of kottakkal assemble constituency.