പുതുവർഷത്തിൽ വിദ്യാർഥികൾക്ക് കേക്ക്‌ സമ്മാനിച്ച് ആബിദ് ഹുസൈൻ തങ്ങൾ എം.എൽ.എ
ഇരിമ്പിളിയം: കിടപ്പിലായവരും പ്രത്യേക പരിഗണന അർഹിക്കുന്നവരുമായ വിദ്യാർഥികൾക്ക് പുതുവർഷാരംഭത്തിൽ കേക്കുകൾ സമ്മാനിച്ച് എം.എൽ.എ. കുറ്റിപ്പുറം ബി.ആർ.സിക്കു കീഴിലുള്ള വിവിധ സ്‌കൂളുകളിൽ പഠിക്കുന്ന 104 കുട്ടികൾക്കാണ് കോട്ടയ്ക്കൽ നിയോജകമണ്ഡലം എം.എൽ.എ. ആബിദ് ഹുസൈൻ തങ്ങൾ കേക്കുകൾ നൽകിയത്.
വിതരണോദ്ഘാടനം ഇരിമ്പിളിയം ഗ്രാമപ്പഞ്ചായത്തിലെ വെണ്ടല്ലൂർ വി.പി.എ.യു.പി. സ്‌കൂളിലെ ഏഴാംക്ലാസിൽ പഠിക്കുന്ന മുഹമ്മദ് നസീം എന്ന കുട്ടിക്ക് നൽകി നിർവഹിച്ചു. ഗ്രാമപ്പഞ്ചായത്ത് പ്രസിഡന്റ് കെ. മുഹമ്മദ്കുട്ടി അധ്യക്ഷതവഹിച്ചു. ബി.പി.സി. അബ്ദുൾസലീം, വൈസ് പ്രസിഡന്റ് കെ.ടി. ഉമ്മുകുൽസു, വാർഡംഗം മുഹമ്മദാലി, ബി.ആർ.സി. പരിശീലകൻ കെ.ടി. ജഗദീഷ്, റിസോർസ് ടീച്ചർ രശ്മി എന്നിവർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
