ഇരിമ്പിളിയം പഞ്ചായത്തിലെ പ്രളയ സാധ്യതാ പ്രദേശങ്ങളിൽ എം.എൽ.എ സന്ദർശനം നടത്തി

വളാഞ്ചേരി:കാലവർഷം ശക്തമായതിനെ തുടർന്ന് വെള്ളം കയറി അപകടമുണ്ടാകാൻ സാധ്യതയുള്ള വിവിധ പ്രദേശങ്ങളിൽ ജാഗ്രതാ നിർദ്ദേശവുമായി പ്രൊഫ. ആബിദ് ഹുസൈൻ തങ്ങൾ എം.എൽ.എ സന്ദർശനം നടത്തി. തൂതപ്പുഴയിൽ നിന്നും വെള്ളം കയറാറുള്ള ഇരിമ്പിളിയം പഞ്ചായത്തിലെ വിവിധ പ്രദേശങ്ങളിലാണ് എം.എൽ.എ സന്ദർശനം നടത്തിയത്.കെ. മാനുപ്പ മാസ്റ്റർ, പി.സി.എ. നൂർ, ബ്ലോക്ക് പഞ്ചായത്ത് മെമ്പർ ഫസീല ടീച്ചർ, പഞ്ചായത്ത് സ്ഥിരം സമിതി അധ്യക്ഷൻ വി.ടി.അമീർ, പി.ഷെമീം മാസ്റ്റർ, ടി.പി സുൽഫി മാസ്റ്റർ ,പി.ഇ ജലീൽ മാസ്റ്റർ, എം ടി യൂസഫലി, ടി പി.ഷിബിലി എന്നിവർ എം.എൽ.എക്കൊപ്പമുണ്ടായിരുന്നു.