കരേക്കാട് വടക്കുംപുറം എ.യു.പി സ്കൂളിൽ പ്രവേശനോത്സവം നടത്തി

എടയൂർ: നവംബർ 1ന് നടന്ന പ്രവേശനോത്സവ പരിപാടികൾ വാർഡ് മെമ്പർ വി പി മുഹമ്മദ്‌ റഫീഖ് ഉദ്ഘാടനം ചെയ്തു. PTA എക്സിക്യൂട്ടീവ് മെമ്പർ അഷ്‌റഫ്‌ പറമ്പയിൽ അധ്യക്ഷത വഹിച്ച പരിപാടിയിൽ ഹെഡ്മാസ്റ്റർ വി പി അലി അക്ബർ, സീനിയർ അസിസ്റ്റന്റ് പി റസിയ, സ്റ്റാഫ്‌ സെക്രട്ടറി പി.സി സന്തോഷ്‌, അധ്യാപകരായ കെ പി അബ്ദുൽ മജീദ്, കെ അബൂബക്കർ, എം ഉമ, പി എ നുസൈബ, പി റഷീല, ജെ വിജി തുടങ്ങിയവർ സംബന്ധിച്ചു. കുട്ടികളെ പൂക്കൾ നൽകിയും മറ്റും സ്വീകരിച്ചു. 1 മുതൽ 7 വരെ ക്ലാസ്സുകളിൽ ആകെയുള്ള 1240 കുട്ടികളിൽ ആദ്യ ബാച്ചിൽ 551 കുട്ടികൾ ഇന്ന് ഹാജരായി. കുട്ടികളുടെ വിവിധ പഠനാനുബന്ധ ഉത്പന്നങ്ങൾ പ്രദർശിപ്പിച്ചു. കോവിഡ് മാനദണ്ഡങ്ങൾ പാലിക്കുന്നതുമായി ബന്ധപ്പെട്ട പ്രവർത്തനങ്ങൾക്ക് ആശ വർക്കർ സത്യഭാമ, അധ്യാപകരായ പി അബ്ദുൽമജീദ്, ടി പി സാജിദ, വി പി മനാഫ്, എൻ കെ ആതിര, എ ഉമൈബാൻ,എം മുഹമ്മദ്‌ അഫ്സൽ, കെ ജുമാന ജമാൽ തുടങ്ങിയവർ നേതൃത്വം നൽകി.