ഇരിമ്പിളിയം ഗ്രാമപ്പഞ്ചായത്ത് എൽ.ഡി.എഫ്. പ്രകടനപത്രിക പുറത്തിറക്കി

ഇരിമ്പിളിയം:തദ്ദേശതിരഞ്ഞെടുപ്പുമായി ബന്ധപ്പെട്ട് ഇരിമ്പിളിയം ഗ്രാമപ്പഞ്ചായത്ത് എൽ.ഡി.എഫ്. പ്രകടനപത്രിക പുറത്തിറക്കി. മന്ത്രി കെ.ടി. ജലീൽ പ്രകാശനംചെയ്തു. കെ.പി.എ. സത്താർ ഏറ്റുവാങ്ങി. നാടിന്റെ പുരോഗതിയും ക്ഷേമപ്രവർത്തനങ്ങളും കരുതൽനടപടികളും ജനങ്ങൾ ഇടതുപക്ഷത്തെ ഏറ്റെടുക്കുന്നതിന് കാരണമായിട്ടുണ്ടെന്ന് മന്ത്രി പറഞ്ഞു. പഞ്ചായത്ത് എൽ.ഡി.എഫ്. തിരഞ്ഞെടുപ്പ് കമ്മിറ്റി ചെയർമാൻ ശരീഫ് പാലോളി, കൺവീനർ സുരേഷ്, ഇ. മുകുന്ദൻ, ജാനിസ് ബാബു, കുഞ്ഞാൻ, ജംഷീർ ഇരിമ്പിളിയം തുടങ്ങിയവർ പങ്കെടത്തു.