സാങ്കേതിക തകരാർ; കരിപ്പൂരിൽ എയർ ഇന്ത്യ വിമാനം തിരിച്ചിറക്കി

കരിപ്പൂർ :കരിപ്പൂർ വിമാനത്താവളത്തിൽനിന്ന് പറന്നുയർന്ന എയർ ഇന്ത്യ എക്‌സ്പ്രസ് വിമാനം അടിയന്തരമായി തിരിച്ചിറക്കി. ഇന്ന് രാവിലെ ഒമ്പതരയോടെ കുവൈത്തിലേക്കു പറന്നുയർന്ന വിമാനമാണ് ഏതാനും മിനിറ്റുകൾക്കകം തിരിച്ചിറക്കിയത്. വിമാനത്തിലെ കാർഗോ വസ്തുക്കൾ വയ്ക്കുന്ന ഭാഗത്തുനിന്ന് അടിയന്തര സ്വഭാവമുള്ള സിഗ്‌നൽ ലഭിച്ചതായാണ് വിവരം. യാത്രക്കാരും വിമാന ജീവനക്കാരും സുരക്ഷിതരാണെന്ന് അധികൃതർ അറിയിച്ചു. തുടർന്ന് സാങ്കേതിക പ്രശ്നങ്ങൾ പരിഹരിച്ചതിനു ശേഷം വിമാനം യാത്ര തിരിച്ചു.