മാവണ്ടിയൂർ അലവിഹാജിപ്പടി പച്ചീരിത്തൊടി റോഡ് നാടിന് സമർപ്പിച്ചു

എടയൂർ: എടയൂർ ഗ്രാമ പഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി 4,95,000 രൂപ വകയിരുത്തി നവീകരിച്ച മാവണ്ടിയൂർ അലവിഹാജിപ്പടി പച്ചീരിത്തൊടി റോഡ് വാർഡ് മെമ്പർ കെ.പി വസന്ത ടീച്ചറുടെ അദ്ധ്യക്ഷതയിൽ പഞ്ചായത്ത് പ്രസിഡണ്ട് ഹസീന ഇബ്രാഹിം ഉദ്ഘാടനം ചെയ്തു. സിദ്ദീഖ് മാസ്റ്റർ, പി.പി കരീം, എ.കെ ഷെഫീഖ്, സലീം, ടി.പി റിയാസ്, സക്കീർ, പി.അബു, വി.പി കുഞ്ഞിപ്പ തുടങ്ങിയവർ പ്രസംഗിച്ചു. പാലക്കൽ സൈതലവി, പൊറ്റയിൽ സൈതലവി, പി.അബ്ദുൽ റസാക്ക്, സി. നാസർ എന്നിവർ പങ്കെടുത്തു.