ഒടുങ്ങാട്ടുകുളം നവീകരണം; സർവകക്ഷിയോഗം ചേർന്നു

എടയൂർ: ഒടുങ്ങാട്ടുകുളം നവീകരിക്കുന്നതുമായി ബന്ധപ്പെട്ട കാര്യങ്ങൾ ചർച്ച ചെയ്യാൻ ഭരണസമിതിയുടെ നേതൃത്വത്തിൽ സർവകക്ഷിയോഗം ചേർന്നു. രാഷ്ട്രീയപാർട്ടി പ്രതിനിധികൾക്കുപുറമെ സന്നദ്ധ പ്രവർത്തകരും നാട്ടുകാരും പങ്കെടുത്തു. ജില്ലാ പഞ്ചായത്ത് അംഗം എ.പി. സബാഹ് ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം അധ്യക്ഷത വഹിച്ചു. എന്നാൽ യോഗത്തിൽ കുളം സ്ഥിതിചെയ്യുന്ന വാർഡിലെ അംഗങ്ങൾ ഉൾെപ്പടെ ഇടതുപക്ഷ അംഗങ്ങളാരും പങ്കെടുത്തില്ലെന്ന് ആക്ഷേപമുണ്ട്.