നൂറുകടന്ന് പ്രതിദിന രോഗികൾ; അങ്ങാടിപ്പുറത്ത് 23 വാർഡുകളും കൺടെയ്ൻമെന്റ് സോണാക്കി

അങ്ങാടിപ്പുറം : പഞ്ചായത്തിൽ പ്രതിദിന കോവിഡ് രോഗികൾ നൂറുകടന്നു. ഞായറാഴ്ച 117 പേർക്കാണ് രോഗബാധ സ്ഥിരീകരിച്ചത്. അഞ്ഞൂറിലധികം പേർ ചികിത്സയിലാണ്. ഇതിൽ 27 പേരെ ആശുപത്രിയിൽ പ്രവേശിപ്പിച്ചിട്ടുണ്ട്. മറ്റുള്ളവർ വീടുകളിൽ പ്രത്യേക ശ്രദ്ധയിൽ കഴിയുന്നു.

പഞ്ചായത്തിലെ 23 വാർഡുകളും കൺടെയ്ൻമെന്റ് സോണാക്കി. ജനം പുറത്തിറങ്ങാതിരിക്കാൻ ഈ വാർഡുകളിലെ പ്രധാന റോഡുകളും ഇടവഴികളും അടച്ചിട്ടു. പോലീസ് പരിശോധന ശക്തമാക്കിയിട്ടുണ്ട്.