ഇരിമ്പിളിയം ഗ്രാമപ്പഞ്ചായത്തിലെ ആലുംകൂടം അങ്കണവാടിക്കെട്ടിടത്തിന് തറക്കല്ലിട്ടു

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്തിലെ 16-ാം വാർഡിലെ ആലുംകൂടം അങ്കണവാടിക്കെട്ടിടത്തിന്റെ ശിലാസ്ഥാപനം പ്രസിഡന്റ് കെ. മാനുപ്പ നിർവഹിച്ചു. വാർഡംഗം കെ. മുഹമ്മദലി അധ്യക്ഷതവഹിച്ചു.സ്ഥിരംസമിതി അധ്യക്ഷൻ വി.ടി. അമീർ, സി. അബ്ദുൽസലാം, വർക്കർ വാസന്തികാദേവി എന്നിവർ പ്രസംഗിച്ചു. വി.കെ. മുസ്തഫ, കെ. ഹമീദ്, കെ. നജീബ്, കെ.പി. ലത്തീഫ് തുടങ്ങിയവർ പ്രസംഗിച്ചു. ആബിദ്ഹുസൈൻ തങ്ങൾ എം.എൽ.എ.യുടെ ആസ്തിവികസന ഫണ്ടിൽനിന്ന് 17.5 ലക്ഷം രൂപയാണ് കെട്ടിടത്തിന് അനുവദിച്ചിട്ടുള്ളത്.