വളാഞ്ചേരി എം.ഇ.എസ്.കെ.വി.എം. കോളേജിലെ പൂര്‍വവിദ്യാര്‍ഥിസംഗമം ഇന്ന്
വളാഞ്ചേരി: വളാഞ്ചേരി എം.ഇ.എസ്.കെ.വി.എം. കോളേജിലെ 1981-82, 1983-84 വര്‍ഷത്തെ ബാച്ചുകളില്‍പ്പെട്ട വിദ്യാര്‍ഥികളുടെ കൂട്ടായ്മയുടെ ഒത്തുചേരല്‍ ഞായറാഴ്ച നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. കോളേജ് ഓഡിറ്റോറിയത്തില്‍ രാവിലെ പത്തിന് ‘കുന്നിലെ ഓര്‍മകള്‍’എന്ന പേരിലുള്ള സംഗമത്തില്‍ പഴയകാല അധ്യാപകരെ ആദരിക്കും. എം.ഇ.എസ്. സംസ്ഥാന ജനറല്‍സെക്രട്ടറി ഡോ.എന്‍.എം. മുജീബ്‌റഹ്മാന്‍ മുഖ്യാതിഥിയാകും. പാവപ്പെട്ട വിദ്യാര്‍ഥികളുടെ പഠനവുമായി ബന്ധപ്പെട്ട ദത്തും നിര്‍ധന രോഗികള്‍ക്കുള്ള സാമ്പത്തിക സഹായം നല്‍കലും ലക്ഷ്യങ്ങളാണെന്ന് ബന്ധപ്പെട്ടവര്‍ പറഞ്ഞു. വി.പി. മൊയ്തീന്‍കുട്ടി, വി.പി. അബ്ദുള്‍റൗഫ്, എന്‍. അലിഅസ്ലം, കെ. കദീജ, പി.കെ. അഷ്‌റഫ്, സമദ് കൊപ്പം എന്നിവര്‍ പത്രസമ്മേളനത്തില്‍ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
