വെട്ടിച്ചിറ മജ്മഅ പൂർവവിദ്യാർഥിക്ക് അംഗീകാരം
വളാഞ്ചേരി: വെട്ടിച്ചിറ മജ്മ്അയിലെ പൂർവവിദ്യാർഥിയായ എം.പി. മുഹമ്മദ് നൂഹ് സഖാഫിക്ക് അംഗീകാരം. ഇന്റർനാഷണൽ ഇൻസ്റ്റിറ്റ്യൂട്ട് ഫോർ ഹലാൽ റിസർച്ച് ആൻഡ്‌ ട്രെയിനിങ്ങും ഇസ്‌ലാമിക് യൂണിവേഴ്‌സിറ്റി ഓഫ് മലേഷ്യയും സംഘടിപ്പിക്കുന്ന അന്താരാഷ്ട്ര ഇസ്‌ലാമിക് യൂത്ത് കോൺഫറൻസിൽ പങ്കെടുക്കാനാണ് മുഹമ്മദ് നൂഹിന് അവസരം ലഭിച്ചത്.
രണ്ട് ഘട്ടങ്ങളിലായി നടക്കുന്ന സമ്മേളനത്തിന്റെ ഒന്നാംഘട്ടം റംസാൻ 18 മുതൽ 21 വരെ മലേഷ്യയിലെ ഇന്റർനാഷണൽ ഇസ്‌ലാമിക് യൂണിവേഴ്‌സിറ്റിയിൽ നടക്കും. ഇസ്‌ലാമിക് ഫൈനാൻസ് സിസ്റ്റം, ഇന്ത്യൻ സൂഫി ചരിത്രത്തിൽ കേരള സൂഫി രചനകളുടെ പങ്ക് എന്നീ വിഷയങ്ങളെ അടിസ്ഥാനമാക്കി മുഹമ്മദ് നൂഹ് സമ്മേളനത്തിൽ വിഷയം അവതരിപ്പിക്കും.
കാരന്തൂർ മർക്കസിലെ ശരീഅത്ത് കേളേജിൽനിന്നും സഖാഫി കോഴ്‌സ് പൂർത്തിയാക്കുകയും മർക്കസ് ഐ.ടി.ഐയിൽനിന്ന് എൻജിനീയറിങ്‌ ബിരുദവും കാലിക്കറ്റ് യൂനിവേഴ്‌സിറ്റിയിൽനിന്നും കൊമേഴ്‌സ് ബിരുദവും നേടിയിട്ടുണ്ട്. വൈലത്തൂർ സ്വദേശിയാണ്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
