എസ്.വൈ.എസ്. വളാഞ്ചേരി മേഖലയുടെ സാന്ത്വനം ആംബുലൻസ് സമർപ്പിച്ചു

വളാഞ്ചേരി : സാന്ത്വനപ്രവർത്തനം ഓരോരുത്തരുടെയും കടമയാണെന്നും അത് ആത്മാർഥതയോടെ ചെയ്യണമെന്നും കേരള മുസ്‌ലിം ജമാഅത്ത് സംസ്ഥാന സെക്രട്ടറി സയ്യിദ് ഇബ്രാഹിമുൽ ഖലീൽ അൽബുഖാരി പറഞ്ഞു. എസ്.വൈ.എസ്. വളാഞ്ചേരി മേഖലയുടെ സാന്ത്വനം ആംബുലൻസ് നാടിന് സമർപ്പിക്കുകയായിരുന്നു അദ്ദേഹം. കാവുംപുറം പാറക്കൽ ഓഡിറ്റോറിയത്തിൽ മലപ്പുറം വെസ്റ്റ് ജില്ലാ പ്രസിഡന്റ് എൻ.വി. അബ്ദുറസാഖ് സഖാഫി ഉദ്ഘാടനം ചെയ്തു.

പി.എസ്.കെ. ദാരിമി അധ്യക്ഷത വഹിച്ചു. കൂറ്റമ്പാറ അബ്ദുറഹ്മാൻ ദാരിമി മുഖ്യപ്രഭാഷണം നടത്തി. നഗരസഭാധ്യക്ഷൻ അഷറഫ് അമ്പലത്തിങ്ങൽ ആംബുലൻസിന്റെ താക്കോൽ ഏറ്റുവാങ്ങി. ടി.എം. പദ്മകുമാർ, വി.പി.എം. ബഷീർ പറവന്നൂർ, എ.എ. റഹീം കരുവാത്ത്കുന്ന്, ഡോ. എൻ. മുഹമ്മദാലി, അബ്ദുൽ മജീദ് അഹ്‌സനി ചെങ്ങാനി, ഉമർ ശരീഫ് സഅദി, എ.സി.കെ. പാങ്ങ്, മുനീർ പാഴൂർ, മുഹമ്മദാലി പുറമണ്ണൂർ, വി. അബൂബക്കർ അഹ്‌സനി തുടങ്ങിയവർ പങ്കെടുത്തു.