വളാഞ്ചേരിയിൽ പോലീസ് സേനാംഗങ്ങൾക്ക് ആൻ്റി ബോഡി ടെസ്റ്റ് ക്യാമ്പ് നടത്തി

വളാഞ്ചേരി: വളാഞ്ചേരിയിൽ പോലീസ് സേനാംഗങ്ങൾക്ക് ആൻ്റി ബോഡി ടെസ്റ്റ് ക്യാമ്പ് നടത്തി. ജില്ലയിലെ പോലീസ് ഉദ്യോഗസ്ഥർക്ക് രോഗഭീതി നിലനിൽക്കുന്ന സാഹചര്യത്തിൽ കേരള പോലീസ് ഹൗസിംഗ് സഹകരണ സംഘത്തിന്റെയും പോലീസ് വെൽഫയർ ബ്യൂറോയുടേയും ആഭിമുഖ്യത്തിലാണ് ആന്റിബോഡി ടെസ്റ്റ് നടത്തിയത്. വളാഞ്ചേരി , കാടാമ്പുഴ , കൽപകഞ്ചേരി, കുറ്റിപ്പുറം എന്നീ പോലീസ് സ്റ്റേഷനുകളിലെ 110 ഓളം സേനാംഗങ്ങൾക്കാണ് വളാഞ്ചേരി വട്ടപ്പാറയിലെ പഴയ സർക്കിൾ ഓഫീസിൽ വച്ച് ആന്റിബോഡി ടെസ്റ്റ് നടത്തിയത്. വളാഞ്ചേരി പോലീസ് സ്റ്റേഷൻ SHO MK ഷാജി ഉദ്ഘാടനം നിർവഹിച്ചു. സീനിയർ സിവിൽ പോലീസ് ഓഫീസർ രമേശ് കോഡിനേറ്ററായിരുന്നു.