‘സ്മൈൽ കേരള’; തൊഴിൽ വായ്പാ പദ്ധതിയിലേക്ക് അപേക്ഷിക്കാം

മലപ്പുറം : കോവിഡ് ബാധിച്ച് മുഖ്യവരുമാനാശ്രയമായ വ്യക്തി മരിച്ച കുടംബങ്ങളെ സഹായിക്കാനുള്ള സംസ്ഥാന വനിതാ വികസന കോർപ്പറേഷന്റെ ‘സ്മൈൽ കേരള’ സ്വയം തൊഴിൽവായ്പാ പദ്ധതിയിലേക്ക് അപേക്ഷ ക്ഷണിച്ചു. ആറുശതമാനം വാർഷിക പലിശ നിരക്കിൽ പരമാവധി അഞ്ചുലക്ഷം വരെ വായ്പ ലഭിക്കും. 20 ശതമാനം അല്ലെങ്കിൽ പരമാവധി ഒരു ലക്ഷം രൂപ വരെ സബ്സിഡിയും ലഭിക്കും. 18 വയസ്സിനും 55 വയസ്സിനുമിടയിൽ പ്രായമുള്ള മുഖ്യവരുമാനശ്രയമായ വ്യക്തി കോവിഡ് ബാധിച്ച് മരിച്ചാൽ അവരുടെ വനിതകളായ ആശ്രിതർക്കാണ് വായ്പ ലഭിക്കുക. ഇവരുടെ കുടുംബവാർഷിക വരുമാനം മൂന്നുലക്ഷം കവിയരുത്. വിവരങ്ങൾക്ക് www.kswdc.org എന്ന വെബ്‌സൈറ്റിലോ 0483 2760550 എന്ന നമ്പറിലോ ബന്ധപ്പെടണം.