വളാഞ്ചേരി നഗരസഭ കുടുംബശ്രീ, ഓക്സിലറി ഗ്രൂപ്പ്‌ സർഗോത്സവം സംഘടിപ്പിച്ചു
വളാഞ്ചേരി: വളാഞ്ചേരി നഗരസഭ കുടുംബശ്രീ സി ഡി എസിനു കീഴിൽ അരങ്ങ് 2024 – കുടുംബശ്രീ, ഓക്സിലറി ഗ്രൂപ്പ്‌ അംഗങ്ങളുടെ സർഗോത്സവം സംഘടിപ്പിച്ചു.നഗരസഭയിലെ 33 വാർഡുകളിലെ കുടുംബശ്രീ അംഗങ്ങളുടെ വിവിധ കലാപരിപാടികൾ അരങ്ങേറി. നഗരസഭ ചെയർമാൻ അഷ്‌റഫ്‌ അമ്പലത്തിങ്ങൽ ഉദ്ഘാടനം നിർവ്വഹിച്ചു. ക്ഷേമകാര്യ സ്റ്റാന്റിങ് കമ്മിറ്റി ചെയർപേഴ്സൺ ദീപ്തി ശൈലേഷ് അധ്യക്ഷത വഹിച്ചു, ഐഡിയ സ്റ്റാർ സിംഗർ ആഗ്നസ് ബിനോയ്‌ അഗസ്റ്റിൻ മുഖ്യാത്ഥിതിയായി.കുടുംബശ്രീ സി ഡി എസ് ചെയർപേഴ്സൺ ഷൈനി സി സ്വാഗതം ആശംസിച്ചു. കൂടുതൽ വനിതകളെ കുടുംബശ്രീയിൽ അംഗങ്ങളാക്കുന്നതിനും മാറുന്ന കാലഘട്ട ത്തിനനുസരിച്ചു നൂതന സംരംഭപ്രവർത്തങ്ങൾ ആരംഭിക്കുന്നതിനും അതിലൂടെ ഉയർന്ന വരുമാനം ലാഭ്യമാക്കുന്നതിനും ഉതകുന്ന പ്രവർത്തനങ്ങൾ ഏറ്റെടുത്തു നടത്തുന്നതിന് ചെയർമാൻ നിർദേശം നൽകി. നഗരസഭ വൈസ് ചെയർപേഴ്സൺ റംല മുഹമ്മദ്‌, വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ മുജീബ് വാലാസി, നഗരസഭ സെക്രട്ടറി സീന എച്ച്, നഗരസഭ കൗൺസിലർമാരായ കൗൺസിലർമാരായനൂർജഹാൻ എൻ,താഹിറ ഇസ്മായിൽ,ആബിദ മൻസൂർ,സദാനന്ദൻ കോട്ടീരി,സാജിത ടീച്ചർ, ശൈലജ പി.പി, ഉമ്മുഹബീബ, റസീന മാലിക്ക്,സുബിതരാജൻ,ശൈലജ കെ.വി, കുടുംബശ്രീ മെമ്പർ സെക്രട്ടറി പത്മിനി എന്നിവർ ആശംസകൾ അർപ്പിച്ചു സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
