ഇരിമ്പിളിയം എം.ഇ.എസ്. ഹയർസെക്കൻഡറി സ്കൂളിൽ ലഹരിവിരുദ്ധ സന്ദേശവുമായി ആസാദ് സേന രൂപവത്കരിച്ചു

ഇരിമ്പിളിയം: സംസ്ഥാനസർക്കാരിന്റെ ലഹരിവിരുദ്ധ പ്രവർത്തനങ്ങളുടെ ഭാഗമായി ഇരിമ്പിളിയം എം.ഇ.എസ്. ഹയർസെക്കൻഡറി സ്‌കൂളിൽ ആസാദ് സേന രൂപവത്കരിച്ചു. സ്‌കൂൾ ചെയർമാൻ ഇ.പി. ഉബൈദുള്ള സേനയുടെ രൂപവത്കരണ പ്രഖ്യാപനം നിർവഹിച്ചു.

സ്‌കൂളിലെ എൻ.എസ്.എസ്. സ്‌കൗട്ട്‌സ് ആൻഡ് ഗൈഡ്‌സ്, ആന്റി നാർകോട്ടിക് ക്ലബ്ബ് തുടങ്ങിയവയുമായി സഹകരിച്ചാണ് പ്രവർത്തനം. സേനാംഗങ്ങൾക്കുള്ള ആദ്യപരിശീലനം മൂടാലിലെ ഇല ഫൗണ്ടേഷനിൽനിന്ന് നൽകി. പി.ടി.എ. പ്രസിഡന്റ് സുരേഷ് മലയത്ത് അധ്യക്ഷതവഹിച്ചു. പ്രിൻസിപ്പൽ സി.എം. ഫിറോസ്, വി.പി. കുഞ്ഞിമുഹമ്മദ്, സലാം വളാഞ്ചേരി, പ്രൊഫ. പി. സാജിദ്, മുസവ്വിർ നൗഷാദ്, പി. അബ്ദുള്ള, ടി.പി. ശ്രീവിദ്യ, പി. ഷീഫ, കൺവീനർ എം.വി. ഷാഹിന തുടങ്ങിയവർ പ്രസംഗിച്ചു.