ആനക്കരയിൽ ഓട്ടോകൾ കൂട്ടിയിടിച്ച് ആതവനാട് സ്വദേശി ഉൾപ്പടെ രണ്ടു പേര്‍ മരിച്ചു
ആനക്കര (പാലക്കാട്): ആനക്കരയിൽ ഓട്ടോകൾ കൂട്ടിയിടിച്ച് ആതവനാട് സ്വദേശിയുൾപ്പടെ രണ്ടുപേര്‍ മരിച്ചു. ഗുഡ്‌സ് ഓട്ടോയും പാസഞ്ചര്‍ ഓട്ടോയും തമ്മിലാണ് കൂട്ടിയിടിച്ചത്. ആനക്കര ചേക്കോട് കോറാത്ത് മുഹമ്മദ് (50), മലപ്പുറം ആതവനാട് പാറ വെട്ടിക്കാട്ട് വീട്ടില്‍ സൈഫുദ്ദീന്‍ (21) എന്നിവരാണ് മരിച്ചത്.
ഞായറാഴ്ച രാത്രി 7.30ഒാടെ ആനക്കര സ്‌കൈ ലാബിലായിരുന്നു അപകടം. ഗുരുതര പരിക്കേറ്റ ഇരുവരെയും എടപ്പാളിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പാസഞ്ചര്‍ ഓട്ടോ ഡ്രൈവര്‍ ആനക്കര മേപ്പാടം കൊള്ളാട്ട് വളപ്പില്‍ മുനീര്‍ (35), ഗുഡ്‌സ് ഓട്ടോ ഡ്രൈവര്‍ ആതവനാട് പാറ സ്വദേശി അജ്മല്‍ ഹുസൈന്‍ (20) എന്നിവര്‍ക്ക് പരിക്കേറ്റു. കാറ്ററിങ് സര്‍വിസ് നടത്തി പടിഞ്ഞാറങ്ങാടി ഭാഗത്തുനിന്ന് ആതവനാട് ഭാഗത്തേക്ക് പോവുകയായിരുന്ന ഗുഡ്‌സ് ഓട്ടോയും ആനക്കരയില്‍നിന്ന് ചേക്കോട് ഭാഗത്തേക്ക് പോകുന്ന ഓട്ടോയുമാണ് അപകടത്തില്‍പെട്ടത്. ഗുഡ്‌സ് ഓട്ടോ സൈഫുദ്ദീന്റെ ദേഹത്തേക്ക് മറിയുകയായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
