വളാഞ്ചേരിയിൽ ബാലികയെ പീഡിപ്പിച്ച കേസിൽ യുവാവ് അറസ്റ്റിൽ

വളാഞ്ചേരി: പന്ത്രണ്ടര വയസുള്ള ബാലികയെ ലൈംഗികമായി പീഡിപ്പിച്ച കേസിൽ യുവാവിനെ വളാഞ്ചേരി പോലീസ് അറസ്റ്റ് ചെയ്തു. കാട്ടിപ്പരുത്തി സ്വദേശി ഇല്ലത്ത്പടി വീട്ടിൽ നിഷാന്ത് (28) ആണ് പിടിയിലായത്. ഓട്ടോ ഡ്രൈവർ ആണ് ഇയാൾ. പെൺകുട്ടിയെ വീട്ടിലേക്ക് വിളിച്ച് കയറ്റി പീഡിപ്പിക്കുകയായിരുന്നു.

കുട്ടിയുടെ ബന്ധുക്കൾ പോലീസിൽ നൽകിയ പരാതിയിന്മേലുള്ള അന്വേഷണത്തിലാണ് അറസ്റ്റ്. വളാഞ്ചേരി എസ്.എച്.ഒ സുധീരനെ നേതൃത്വത്തിലാണ് അറസ്റ്റ്. പ്രദേശത്ത് ഇത്തരം കേസുകൾ നിലവിലുണ്ടെന്നും പരാതി നൽകാൻ ആളുകൾ തയ്യാറാകാത്തതാണ് ഇയാൾ രക്ഷപ്പെടാൻ കാരണമെന്ന് പറയുന്നു. ഇയാൾക്കെതിരെ പോക്സോ ചുമത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Summary: auto driver arrested for raping a twelve-year-old girl at valanchery