ചന്ദനക്കാവ് അയ്യപ്പൻവിളക്ക് ആഘോഷിച്ചു

തിരുനാവായ : ചന്ദനക്കാവ് അയ്യപ്പസേവാ സമിതി കുറുമ്പത്തൂർ ചന്ദനക്കാവ് ഭഗവതീക്ഷേത്ര പരിസരത്ത് അയ്യപ്പൻ വിളക്കുത്സവം നടത്തി. വിവിധ ചടങ്ങുകളോടെ നടന്ന പരിപാടിയിൽ നിരവധിപേർ പങ്കെടുത്തു. നാലപ്പാട്ട് കുടുംബ ക്ഷേത്രത്തിൽനിന്നു പാലക്കൊമ്പെഴുന്നള്ളത്ത് നടന്നു. അങ്ങാടിപ്പുറം പാർത്ഥസാരഥി ശാസ്താവിന്റെ തിടമ്പേറ്റി.

പാലക്കാട് ബാബുരാജിന്റെയും സംഘത്തിന്റെയും കാവടിയാട്ടം നടന്നു. ഷൊർണൂർ കണയം മണികണ്ഠനും സംഘവുമാണ് വിളക്ക് നിയന്ത്രിച്ചത്. പ്രസാദ ഊട്ടും നടന്നു.