കുറ്റാന്വേഷണ മികവിന് പെരിന്തൽമണ്ണ ഷാഡോ പൊലീസ് അംഗങ്ങൾക്ക് ബാഡ്ജ് ഓഫ് ഓണർ
പെരിന്തൽമണ്ണ: വിവിധ രംഗങ്ങളിലെ മികച്ച പ്രവർത്തനങ്ങൾക്കും സേവനത്തിനുമുള്ള അംഗീകാരമായി പെരിന്തൽമണ്ണ ഷാഡോ പൊലീസ് അംഗങ്ങൾക്ക് ബാഡ്ജ് ഓഫ് ഓണർ ലഭിച്ചു. കുഴൽപ്പണ–നിരോധിത കറൻസി കടത്ത് മാഫിയ, കഞ്ചാവ് കടത്ത് സംഘം, ക്വട്ടേഷൻ-കവർച്ചാ സംഘങ്ങൾ എന്നിവരെ അമർച്ച ചെയ്യുന്നതിലും പിടികിട്ടാപ്പുള്ളികളെ പിടികൂടുന്നതിലും അസാമാന്യ കഴിവ‌് കഴിഞ്ഞ കാലയളവിൽ പെരിന്തൽമണ്ണ ടൗൺ ഷാഡോ പൊലീസ് പ്രകടിപ്പിച്ചിരുന്നു.
ഷാഡോ പൊലീസിനെ നയിക്കുന്ന പെരിന്തൽമണ്ണ ഡിവൈഎസ‌്പി എം പി മോഹനചന്ദ്രന് ക്രമസമാധാനരംഗത്തെ മികച്ച പ്രവർത്തനത്തിനും ടൗൺ ഷാഡോ പൊലീസിലെ അന്വേഷണ ഉദ്യോഗസ്ഥരായ പി എൻ മോഹനകൃഷ്ണൻ, എൻ ടി കൃഷ്ണകുമാർ, എം മനോജ് കുമാർ എന്നിവർക്കും സബ് ഇന്‍സ്പെക്ടർ വിഷ്ണുവിനും കുറ്റാന്വേഷണ മികവിനും പി മോഹൻദാസിന് ഇന്റലിജൻസ് വിഭാഗത്തിലെ മികച്ച പ്രവർത്തനത്തിനുമാണ് ഡിജിപി 2017ലെ ബാഡ്ജ് ഓഫ് ഓണർ നൽകിയത്. കൂടാതെ, സിഐ മനോജ് പറയറ്റ, എസ്ഐ ജ്യോതീന്ദ്രകുമാർ എന്നിവരും ജില്ലയിൽ ബാഡ്ജ് ഓഫ്ഓണർ ബഹുമതിക്ക് അർഹരായിട്ടുണ്ട്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
