ശിശുദിനത്തിൽ കുറ്റിപ്പുറം പോലീസ് സ്റ്റേഷൻ സന്ദർശിച്ചു ബാലസംഘം അംഗങ്ങൾ
കുറ്റിപ്പുറം: ചൈൽഡ് ലൈൻ മലപ്പുറത്തിൻ്റെ ആഭിമുഖ്യത്തിൽ കുറ്റിപ്പുറം ബാലസഭ കുട്ടികൾക്ക് ബൈ ദ ചിൽഡ്രൻ എന്ന പേരിൽ ശിശുദിന വാരാചാരണത്തിൻ്റെ ഭാഗമായി കുറ്റിപ്പുറം പോലീസ് സ്റ്റേഷനിൽ സന്ദർശനം നടത്തി. കുറ്റിപ്പുറം കുടുംബശ്രീയുടെ കീഴിൽ 25 കുട്ടികളടങ്ങുന്ന ബാലസഭ അംഗങ്ങൾ സ്റ്റേഷൻ സന്ദർശിച്ചു. കുറ്റിപ്പുറം ഗ്രാമപഞ്ചായത്ത് സി.ഡി.എസ് ചെയർപേഴ്സൺ ബിന്ദു സ്വാഗതം പറഞ്ഞു. കുറ്റിപ്പുറം ഗ്രാമ പഞ്ചായത്ത് സ്റ്റാൻ്റിങ്ങ് കമ്മിറ്റി ചെയർമാൻ പരപ്പാര സിദ്ധീഖ് അധ്യക്ഷനായി. കുറ്റിപ്പുറം പോലീസ് എസ്.എച്.ഒ ശശീന്ദ്രൻ മേലയിൽ ഉദ്ഘാടനം നിർവഹിച്ചു. എസ് ഐമാരായ നിഖിൽ, വാസുണ്ണി എന്നിവർ ആശംസകൾ അർപ്പിച്ച ചടങ്ങിൽ മലപ്പുറം ചൈൽഡ് ലൈൻ കോ ഓർഡിനേറ്റർ ഷംന പൊന്നാനി നന്ദി പറഞ്ഞു. സി.ഡി.എസ് അംഗങ്ങളായ സന്ധ്യ, സതീരത്നം, ഷാഹിദ എന്നിവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
