ഇയാളില്‍നിന്ന് 3200 മി.ഗ്രാം ബ്രൗണ്‍ഷുഗര്‍ പിടിച്ചെടുത്തു. കോളേജ് വിദ്യാര്‍ഥികള്‍ക്ക് മയക്കുമരുന്ന് വില്‍പന നടത്തുന്നുണ്ടെന്ന രഹസ്യവിവരത്തെത്തുടര്‍ന്നായിരുന്നു പരിശോധന. ഇതരസംസ്ഥാന തൊഴിലാളികള്‍ക്കിടയില്‍ നടത്തിയ പരിശോധനയിലാണ് വളാഞ്ചേരി കാര്‍ത്തിക തിയേറ്ററിന് സമീപത്തുനിന്ന് ഇയാള്‍ പിടിയിലായത്.70 പാക്കറ്റുകളാക്കിയാണ് ബ്രൗണ്‍ഷുഗര്‍ കൈവശം വെച്ചിരുന്നത്. ഇവിടെ നിര്‍മാണമേഖലയില്‍ പണിയെടുക്കുന്ന ആരിഫുള്‍ ഇസ്ലാം നാട്ടില്‍പോയി വരുമ്പോഴാണ് ബ്രൗണ്‍ഷുഗര്‍ കൊണ്ടുവരുന്നത്. മലയാളികളായ ചില ഇടനിലക്കാര്‍ മുഖേനയാണ് വില്‍പന നടത്തുന്നത്. ഇടനിലക്കാരെക്കുറിച്ച് സൂചന ലഭിച്ചതായി എക്‌സൈസ് ഇന്‍സ്‌പെക്ടര്‍ രാജേഷ് ജോണ്‍ അറിയിച്ചു. തിരൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.