തൊഴുവാനൂർ വള്ളിക്കാവ് ക്ഷേത്രത്തിൽ ഭാഗവത സപ്താഹയജ്ഞം തുടങ്ങി

വളാഞ്ചേരി : തൊഴുവാനൂർ വള്ളിക്കാവ് ക്ഷേത്രത്തിൽ ഭാഗവത സപ്താഹയജ്ഞം തുടങ്ങി. കൊല്ലം മഞ്ചല്ലൂർ സതീഷാണ് യജ്ഞാചാര്യൻ. യജ്ഞത്തിന്റെ ഭാഗമായി സപ്താഹ വിളംബരഘോഷയാത്രയുണ്ടായി. തൊഴുവാനൂർ ഭഗവതീക്ഷേത്രപരിസരത്തുനിന്ന് തുടങ്ങിയ യാത്ര വള്ളിക്കാവിൽ സമാപിച്ചു. ദീപാരാധനയ്ക്കുശേഷം തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണി നമ്പൂതിരിപ്പാട് യജ്ഞദീപം തെളിച്ചു. തുടർന്ന് മാഹാത്മ്യപാരായണം നടത്തി. തിങ്കളാഴ്ച രാവിലെ നാമജപം, ഗ്രന്ഥപൂജ, വിശേഷാൽപൂജകൾ, പ്രത്യേക പുഷ്പാഞ്ജലികൾ, പ്രസാദഊട്ട് എന്നിവയുണ്ടാകും.