വളാഞ്ചേരിയിൽ കുഴൽപ്പണവേട്ട; പിടിച്ചത് 40 ലക്ഷം രൂപ
വളാഞ്ചേരി : വളാഞ്ചേരിയിൽ നാൽപ്പതുലക്ഷം രൂപയുടെ കുഴൽപ്പണവുമായി ഒരാൾ പിടിയിൽ. കോഴിക്കോട് കൊടുവള്ളി മണ്ണിൽകടവ് ആവിലോറ കൈവേലിക്കടവിൽ മുഹമ്മദാണ്‌ (51) പിടിയിലായത്. പണം ബെംഗളൂരുവിൽനിന്ന് ബസ് മാർഗം വളാഞ്ചേരിയിൽ എത്തിക്കുകയായിരുന്നു. രഹസ്യവിവരത്തെത്തുടർന്ന് വളാഞ്ചേരി പോലീസ് നടത്തിയ പരിശോധനയിലാണ് ഇയാൾ പിടിയിലായത്. പണം കോടതിയിൽ ഹാജരാക്കുമെന്ന് വളാഞ്ചേരി എസ്.എച്ച്.ഒ. കെ.ജെ. ജിനേഷ് പറഞ്ഞു. എസ്.ഐ. നൗഷാദ്, എ.എസ്.ഐ. ബിജു, സി.പി.ഒ. ശ്രീജിത്ത് എന്നിവരുൾപ്പെടുന്ന സംഘമാണ് മുഹമ്മദിനെ പിടികൂടിയത്. കഴിഞ്ഞ ഏതാനും മാസത്തിനിടെ പത്ത് കോടിയിലധികം രൂപയാണ് വിവിധയിടങ്ങളിൽ നടന്ന പരിശോധനക്കിടെ വളാഞ്ചേരി പോലീസ് പിടിച്ചെടുത്തത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
