വിദ്യാര്‍ഥി സമരം: ബ്ലോസം കോളജ് അടച്ചു
കൊണ്ടോട്ടി: വിദ്യാര്‍ഥി സമരം കാരണം പുളിക്കല്‍ ബ്ലോസം ആര്‍ട്‌സ് ആന്‍ഡ് സയന്‍സ് കോളജ് മൂന്നുദിവസത്തേക്ക് അടച്ചു. വ്യാഴാഴ്ച തുറക്കുമെന്ന് പ്രിന്‍സിപ്പല്‍ ഡോ. പി.എ. അഹമ്മദ് പറഞ്ഞു. കോളജില്‍ കഴിഞ്ഞ 17ന് വിദ്യാര്‍ഥികള്‍ ഫൈന്‍ ആര്‍ട്‌സ് ഡേ സംഘടിപ്പിച്ചിരുന്നു.
ഇതിന് പ്രിന്‍സിപ്പല്‍ ആദ്യം അനുമതി നിഷേധിച്ചെന്നും ചര്‍ച്ചകള്‍ക്കൊടുവില്‍ അനുമതി നല്‍കുകയും ചെയ്തെന്ന് വിദ്യാര്‍ഥികള്‍ പറഞ്ഞു. ഇതിനിടെ പരിപാടിയില്‍ പങ്കെടുക്കാനെത്തിയ മുഖ്യാതിഥിയെ പ്രിന്‍സിപ്പല്‍ അപമാനിച്ചിറക്കി വിട്ടത് ഏറെ വിവാദം ഉണ്ടാക്കി. പരിപാടിയുമായി ബന്ധപ്പെട്ട് 13 കുട്ടികളെ സസ്‌പെൻഡ് ചെയ്യുകയും ചെയ്തിരുന്നു. പ്രിന്‍സിപ്പലിേൻറത് പ്രതികാര നടപടിയാണെന്നും പിന്‍വലിക്കണമെന്നുമാവശ്യപ്പെട്ടാണ് വിദ്യാര്‍ഥികള്‍ തിങ്കളാഴ്ച സമരം നടത്തിയത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
