നാടിനഭിമാനമായി സംസ്ഥാന അണ്ടർ-19 ഫുട്ബോൾ ടൂർണമെന്റിലേക്ക് ഒരു വെണ്ടല്ലൂർ സ്വദേശി

ഇരിമ്പിളിയം: സംസ്ഥാന അണ്ടർ 19 ഫുട്ബോൾ ടൂർണമെന്റിലേക്ക് വെണ്ടല്ലൂരിൽ നിന്നൊരു പ്രതിഭ. ഇരിമ്പിളിയം എംഇഎസ് എച്ച്എസ്എസ് പ്ലസ് ടു വിദ്യാർഥി യു.മുഹമ്മദ് സാലിം ആണ് ടീമിലേക്കു തിരഞ്ഞെടുക്കപ്പെട്ടത്. സാലിമിന് ഇന്നു മൂന്നിനു സ്വീകരണം നൽകാൻ എംഇഎസ് എച്ച്എസ്‍എസ് സ്പോർട്സ് ക്ലബ് തീരുമാനിച്ചിട്ടുണ്ട്. ഗോകുലം എഫ്സി കോച്ച് ബിനോ ജോർജ് സ്വീകരണ സമ്മേളനം ഉദ്ഘാടനം ചെയ്യും. മുൻ കേരളതാരം സജീറുദ്ദീൻ മുഖ്യാതിഥിയാകും. വെണ്ടല്ലൂർ ബ്രദേഴ്സ് ക്ലബിന്റ് കളിക്കാരനാണ് സാലിം.