കാലിക്കറ്റ് സർവകലാശാലാ കോർഫ് ബോൾ ചാമ്പ്യൻഷിപ്പ്; ക്രൈസ്റ്റ് കോളേജ് ജേതാക്കൾ

വളാഞ്ചേരി : എം.ഇ.എസ്. കെ.വി.എം. കോളേജിൽ നടന്ന കാലിക്കറ്റ് സർവകലാശാലാ കോർഫ് ബോൾ ചാമ്പ്യൻഷിപ്പിൽ ഇരിങ്ങാലക്കുട ക്രൈസ്റ്റ് കോളേജ് ജേതാക്കളായി. ഫൈനലിൽ കൊടകര സഹൃദയ കോളേജിനെ മൂന്നിനെതിരേ അഞ്ച് പോയിന്റുകൾക്കാണ് ക്രൈസ്റ്റ് കോളേജ് തോൽപ്പിച്ചത്. മൂന്നാംസ്ഥാനത്തിനുള്ള മത്സരത്തിൽ ചുങ്കത്തറ മാർത്തോമ്മാ കോളേജിനെ പരാജയപ്പെടുത്തി കൊരട്ടി നൈപുണ്യ കോളേജ് വിജയികളായി. പ്രിൻസിപ്പൽ ഡോ. സി. രാജേഷ്, കായികവിഭാഗം മേധാവി പ്രൊഫ. ദിനിൽ എന്നിവർ ട്രോഫികൾ വിതരണംചെയ്തു. നേരത്തേ നഗരസഭാധ്യക്ഷൻ അഷറഫ് അമ്പലത്തിങ്ങൽ ടൂർണമെന്റ് ഉദ്ഘാടനംചെയ്തു. കോർഫ്‌ ബോൾ അസോസിയേഷൻ കേരള സെക്രട്ടറി അബിൻ, ഷിനു തുടങ്ങിയവർ പ്രസംഗിച്ചു.