പ്രചാരണം അവസാനഘട്ടത്തിലേക്ക്; മേധാവിത്തമുറപ്പിച്ച് യു.ഡി.എഫ്
കോട്ടക്കല്‍: പ്രചരണം അവസാനിക്കാന്‍ രണ്ട് നാള്‍ മാത്രം അവശേഷിക്കേ പ്രചാരണത്തില്‍ മേധാവിത്തം ഉറപ്പിച്ച് യു. ഡി. എഫ്. പ്രചാരണത്തിന്റെ എല്ലാ ഘട്ടത്തിലും പൊന്നാനി മണ്ഡലം യു.ഡി.എഫ് സ്ഥാനാര്‍ഥി ഇ.ടി മുഹമ്മദ് ബഷീര്‍ മുന്നിട്ടു നിന്നു.
ഐക്യജനാധിപത്യ മുന്നണിയുടെ കെട്ടുറപ്പോടെയുള്ള പ്രവര്‍ത്തനത്തിനൊപ്പം വിവിധ കക്ഷികളുടെ പിന്തുണയും യു. ഡി. എഫിന് ലഭിച്ചു. ഇടതുകേന്ദ്രങ്ങളില്‍ വലിയ തോതില്‍ യു.ഡി.എഫിന് അനുകൂലമായി വോട്ടുകള്‍ ലഭിക്കും. തവനൂരില്‍ വ്യക്തമായ മുന്നേറ്റം തെരഞ്ഞെടുപ്പ് പ്രചാരണത്തില്‍ ദൃശ്യമായി. യു. ഡി. എഫ് സ്ഥാനാര്‍ഥി ഇ. ടി മുഹമ്മദ് ബഷീര്‍ ഇന്നലെ തവനൂര്‍ മണ്ഡലത്തില്‍ പര്യടനം നടത്തി. രാവിലെ കാലടിത്തറയില്‍ നിന്നാണ് പര്യടനം ആരംഭിച്ചത്.
വട്ടംകുളം, കാലടി, തൃപ്പങ്ങോട്, പുറത്തൂര്‍, മംഗലം പഞ്ചായത്തുകളില്‍ ഇ.ടി പര്യടനം നടത്തി. എം അബ്ദുള്ളക്കുട്ടി, ഇബ്രാഹിം മുതൂര്‍, ആര്‍.കെ ഹമീദ്, ടി.പി മുഹമ്മദ്, കുഞ്ഞിപ്പഹാജി, സി എം റസാഖ് ഹാജി, എന്‍.കെ റഷീദ്, സുരേഷ് പൊല്‍പ്പാക്കര, രാജീവ് എടപ്പാള്‍, മുജീബ് പുളക്കല്‍, സുഭാഷ് വയനാട്ട്, സി.എം പുരുഷോത്തമന്‍ മാസ്റ്റര്‍, ഇബ്രാഹിം ചേന്നര, ഐ.പി ജലീല്‍, രാജഗോപാല്‍, അഡ്വ. നസ്‌റുള്ള, കുഞ്ഞാപ്പ പോത്തനൂര്‍, നൗഫല്‍ തണ്ടലം എന്നിവര്‍ പര്യടനത്തിന് നേതൃത്വം നല്‍കി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
