പുത്തൂരിൽ ബൈക്കിലിടിച്ച് നിയന്ത്രണംവിട്ട കാർ താഴ്ചയിലേക്ക് മറിഞ്ഞു

ഒതുക്കുങ്ങൽ: പുത്തൂർ ഇറക്കത്തിൽ ബൈക്കിലിടിച്ച് നിയന്ത്രണംവിട്ട കാർ താഴ്ചയിലേക്ക് മറിഞ്ഞു. ഒതുക്കുങ്ങൽ സ്വദേശിനി ഓടിച്ചിരുന്ന കാറാണ് ഇന്നലെ രാവിലെ അപകടത്തിൽപ്പെട്ടത്.

തൊട്ടടുത്തുള്ള സ്കൂളിൽ കുട്ടികളെ ഇറക്കിയശേഷം റോഡിലേക്ക് കാർ കയറ്റുന്നതിനിടെ ബൈക്കിലിടിച്ച് കാറിന്റെ നിയന്ത്രണം നഷ്ടപ്പെടുകയായിരുന്നു. അപകടത്തിൽ ബൈക്ക് യാത്രക്കാരന് നിസ്സാര പരിക്കേറ്റു.