കുറ്റിപ്പുറം റെയിൽവെ മേൽപ്പാലത്തിൽ നിയന്ത്രണം വിട്ട കാർ കൈവരിയിൽ ഇടിച്ചു മറിഞ്ഞു
കുറ്റിപ്പുറം: കാർ നിയന്ത്രണം വിട്ടു പാലത്തിന്റെ കൈവരിയിൽ ഇടിച്ചു മറിഞ്ഞതിനെ തുടർന്ന് ദേശീയപാത 66ൽ ഗതാഗത തടസ്സം അനുഭവപ്പെട്ടു. ഇന്ന് പുലർച്ചെ മൂന്ന് മണിയോടെയായിരുന്നു സംഭവം. എറണാകുളം ഭാഗത്തു നിന്നും കോഴിക്കോട് ഭാഗത്തേക്ക് പോകുകയായിരുന്ന കാർ എതിരെ വന്ന വാഹനത്തിൽ ഇടിക്കാതിരിക്കാൻ ശ്രമിക്കുന്നതിനിടെ നിയന്ത്രണം വിട്ടു പാലത്തിന്റെ കൈവരിയിൽ ഇടിച്ചു മറിയുകയായിരുന്നു. ഇടിയുടെ ആഘാതത്തിൽ പൂർണമായും തകർന്ന കാറിൽ നിന്ന് ചാലക്കുടി സ്വദേശികളായ മൂന്ന് യാത്രക്കാർ നിസ്സാര പരിക്കുകളോട രക്ഷപ്പെട്ടു. മറിഞ്ഞ കാറിൽ നിന്ന് റോഡിൽ പരന്നൊഴുകിയ എണ്ണ ഫയർ ഫോർസ് എത്തി വെള്ളമൊഴിച്ച് വൃത്തിയാക്കിയതിനെ തുടർന്ന് ഗതാഗതം പുന:സ്ഥാപിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
