ഇരിമ്പിളിയത്ത് സ്കൂൾ വിദ്യാർഥികളെ ശല്യം ചെയ്ത 16 യുവാക്കൾക്കെതിരെ കേസ്

ഇരിമ്പിളിയം: സ്കൂൾ വിദ്യാർഥിനികളെ ശല്യംചെയ്ത യുവാക്കൾക്കെതിരെ പൊലീസ് കേസെടുത്തു. ഇരിമ്പിളിയം ജിഎച്ച്എസ്എസിനു സമീപത്തു നിന്നാണ് യുവാക്കളെ കണ്ടെത്തിയത്. മേഖലയിൽ തമ്പടിച്ച് സ്കൂൾ വിടുന്ന നേരത്ത് വിദ്യാർഥിനികളെ ഇവർ നിരന്തരമായി ശല്യം ചെയ്യുകയായിരുന്നുവെന്ന് പൊലീസ് പറഞ്ഞു.

നാട്ടിൽനിന്നുള്ള പരാതിയനുസരിച്ച് കഴിഞ്ഞ ദിവസം പൊലീസ് എത്തിയപ്പോൾ യുവാക്കൾ പതിവു നടപടി തുടരുകയായിരുന്നു. ചോദ്യം ചെയ്ത പൊലീസിനു നേരെയും ഇവർ പ്രകോപിതരാകുകയായിരുന്നു. കൃത്യനിർവഹണം തടസ്സപ്പെടുത്തിയതിന് കണ്ടാൽ അറിയാവുന്ന 16 പേർക്കെതിരെയാണ് കേസ്. യുവാക്കൾ ഉപയോഗിച്ചിരുന്ന രേഖകളില്ലാത്ത രണ്ടു ബൈക്കുകളും പിടികൂടി.