കുറ്റിപ്പുറത്ത് മൂന്ന‌് കടകളിൽ മോഷണം; 22,000 രൂപ നഷ്ടപ്പെട്ടു-വീഡിയോ

കുറ്റിപ്പുറം: നഗരത്തിലെ മൂന്ന് കടകളിൽനിന്ന് 22,000 രൂപ മോഷണംപോയി. ഷട്ടറിന്റെ പൂട്ട് തകർത്ത് വെള്ളിയാഴ്ച പുലർച്ചെ രണ്ടരയോടെയാണ് മോഷണം നടന്നത്. കുറ്റിപ്പുറത്ത് തിരൂർ റോഡ് ജങ്ഷനിലുള്ള ഫ്ലവർസിറ്റി ഹോട്ടൽ, സമീപത്തെ പഴക്കട, പച്ചക്കറി കട എന്നിവിടങ്ങളിൽനിന്നാണ് പണം കവർന്നത്. മോഷണദൃശ്യങ്ങൾ ഹോട്ടലിലെ സിസിടിവിയിൽ പതിഞ്ഞു.

ഫ്ലവർസിറ്റി ഹോട്ടലിൽനിന്ന് 12,000 രൂപയും പച്ചക്കറിക്കടയിൽനിന്ന് 8000 രൂപയും പഴക്കടയിൽനിന്ന് 2000 രൂപയുമാണ് മോഷണംപോയത്. റസ്റ്റോറന്റിൽ പാലിയേറ്റീവ് ക്ലിനിക്കിനുവേണ്ടി വച്ചിരുന്ന സംഭാവനപ്പെട്ടിയും മോഷണംപോയിട്ടുണ്ട്.