നിയമസഭാ തിരഞ്ഞെടുപ്പ്: വോട്ടർപട്ടികയിൽ പേരുചേർക്കാൻ അവസരം

നിയമസഭാ തിരഞ്ഞെടുപ്പിനുള്ള വോട്ടർപട്ടികയിൽ ഡിസംബർ 31 വരെ പേരുചേർക്കാൻ അവസരം. 2021 ജനുവരി ഒന്നിനകം 18 വയസ്സ് പൂർത്തീകരിക്കുന്നവർക്കും നിയോജകമണ്ഡലത്തിൽ സ്ഥിരതാമസമാക്കിയവർക്കും അപേക്ഷിക്കാം. ഓൺലൈൻ വഴിയാണ് അപേക്ഷ നൽകേണ്ടത്.

അക്ഷയ കേന്ദ്രങ്ങൾ വഴിയോ www.nvsp.in എന്ന വെബ്‌സൈറ്റ് വഴിയോ അപേക്ഷനൽകാം. അപേക്ഷകന്റെ കളർഫോട്ടോ, വയസ്സ്, സ്ഥിരതാമസം എന്നിവ തെളിയിക്കുന്ന രേഖകൾ സഹിതം താലൂക്ക് ഓഫീസിലെ തിരഞ്ഞെടുപ്പ് ഹെൽപ്പ് ഡെസ്‌കിൽ എത്തിയും അപേക്ഷനൽകാം. കുടുംബത്തിലെ ഒരംഗത്തിന്റെ തിരിച്ചറിയൽകാർഡിന്റെ വിവരങ്ങൾ കരുതണം.