‘ചാന്താട്ടം’ ഭക്തിഗാന ആൽബത്തിന്റെ തിരക്കഥ കൈമാറി

കുറ്റിപ്പുറം : ചെല്ലൂർ പറക്കുന്നത്ത് ഭഗവതീക്ഷേത്രത്തെക്കുറിച്ചുള്ള ഭക്തിഗാന ആൽബമായ ‘ചാന്താട്ട’ത്തിന്റെ ഗാനവരികൾ ഉൾപ്പെടുന്ന തിരക്കഥ സിനിമാ പിന്നണി ഗായകൻ എടപ്പാൾ വിശ്വനാഥന് ക്ഷേത്രം മാനേജിങ് ട്രസ്റ്റി കെ.ആർ. ജനാർദനമേനോൻ കൈമാറി. ക്ഷേത്രാങ്കണത്തിൽ നടന്ന ചടങ്ങിൽ മേൽശാന്തി പറക്കുന്നത്ത് കൃഷ്ണൻ ദീപം തെളിച്ചു. എടപ്പാൾ വിശ്വനാഥനെ ട്രസ്റ്റി മെമ്പർ കെ. ബാലകൃഷ്ണൻ പൊന്നാട അണിയിച്ചു. ക്ഷേത്രം ട്രസ്റ്റി മെമ്പർമാരായ കെ.സി. ദേവാനന്ദ്, മുരളി കൊല്ലോടി, അർജുൻ കൊല്ലോടി, പ്രകാശൻ, കെ. കൃഷ്ണ, കെ. സുകുമാരൻ, സുരേഷ് പൊറത്തൂർ തുടങ്ങിയവർ പങ്കെടുത്തു.