ചെഗുവേര ഫോറത്തിൻ്റെ ആഭിമുഖ്യത്തിൽ വളാഞ്ചേരിയിൽ ഡോ ഗോവിന്ദൻ അനുസ്മരണം സംഘടിപ്പിച്ചു

വളാഞ്ചേരി:വളാഞ്ചേരിയിലെ ആതുര സേവന രംഗത്ത് നിറ സാന്നിദ്ധ്യമായിരുന്ന ഡോ: ഗോവിന്ദന്റെ അനുസ്മരണം ചെഗുവേര സെന്ററിൽ നടന്നു. മുനിസിപ്പൽ ചെയർമാൻ അഷറഫ് അമ്പലത്തിങ്ങൽ ഉൽഘാടനം ചെയ്തു. ഡോ: ഗോവിന്ദന്റെ ഫോട്ടോ നജീബ് കുറ്റിപ്പുറം അനാച്ഛാദനം ചെയ്തു.
ചെഗുവേര ഫോറത്തിൻ്റെ രക്ഷാധികാരിയായിരുന്ന എകെജി മാസ്റ്ററുടെ ഫോട്ടോ മാനവേന്ദ്രനാഥ് വളാഞ്ചേരി അനാച്ഛാദനം ചെയ്തു. ഐ.എം.എ പ്രസിഡണ്ട് ഡോ: മുഹമ്മദലി അനുസ്മരണ പ്രഭാഷണം നടത്തി. ഏഷ്യാനെറ്റ് സിംഗർ ഫെയിം ആഗ്നേയസ് മുഖ്യാതിഥി ആയിരുന്നു. എസ് എസ് എൽ സി, പ്ലസ് ടു വിജയികൾക്കുള്ള ഉപഹാരങ്ങൾ ഡോ: മുഹമ്മദ് റിയാസ്, ഡോ. ദീപു ജേക്കബ്
റഷീദ് കിഴിശ്ശേരി എന്നിവർ വിതരണം ചെയ്തു. വെസ്റ്റേൺ പ്രഭാകരൻ ഫ്രീ ഡ്രഗ് ബാങ്കുമായി ബന്ധപ്പെട്ട കാര്യങ്ങൾ വിശദീകരിച്ചു. വി പി അസീസ് പാണ്ടികശാല അദ്ധ്യക്ഷനായിരുന്നു. വി പി എം സാലിഹ് സ്വാഗതവും വി വി സനൽകുമാർ നന്ദിയും പറഞ്ഞു. ശശി എം, മോഹൻ കുമാർ എ, സുരേഷ് മലയത്ത് എന്നിവർ നേതൃത്വം നൽകി.