സി.ഐ.ടി.യു പ്രചരണ ജാഥയ്ക്ക് വളാഞ്ചേരിയിൽ സ്വീകരണം സംഘടിപ്പിച്ചു

വളാഞ്ചേരി:കേന്ദ്ര സർക്കാരിന്റെ കർഷക ജനദ്രോഹ നയങ്ങൾക്കെതിരെ ഡൽഹിയിൽ നടത്തുന്ന കർഷക സമരത്തിന് ഐക്യദാർഢ്യം പ്രഖ്യാപിച്ചുകൊണ്ട് സിഐടിയു മലപ്പുറം ജില്ലാ കമ്മിറ്റി സംഘടിപ്പിച്ച പ്രചരണ ജാഥയ്ക്ക് വളാഞ്ചേരിയിൽ സ്വീകരണം സംഘടിപ്പിച്ചു. സ്വീകരണത്തിൽ സിഐടിയു ജില്ലാ കമ്മിറ്റി അംഗം സഖാവ് ഇ കെ ജിദേന്ദ്രൻ മുഖ്യ പ്രസംഗം നടത്തി.ചടങ്ങിൽ സിഐടിയു ഏരിയ സെക്രട്ടറി കെ എം ഫിറോസ് ബാബു സ്വാഗതം പറഞ്ഞു. സിഐടിയു ഏരിയ പ്രസിഡന്റ് സഖാവ് വി കെ രാജീവ് ചടങ്ങിൽ അധ്യക്ഷനായി ജാഥാക്യാപ്റ്റൻ സിഐടിയു ജില്ലാ ജനറൽ സെക്രട്ടറി സഖാവ് കെ പി സക്കറിയ സംസാരിച്ചു. സ്വീകരണത്തിൽ വർഗ ബഹുജന സംഘടനകളുടെ നേതാക്കൾ ജാഥാക്യാപ്റ്റന് ഹാരാർപ്പണം നടത്തി.