ഭാരത് ജോഡോ യാത്ര; പുലാമന്തോളിൽ സ്വീകരണം നൽകും

വളാഞ്ചേരി : രാഹുൽഗാന്ധി നയിക്കുന്ന ഭാരത് ജോഡോ പദയാത്ര ജില്ലയിൽ പ്രവേശിക്കുന്ന 27-ന് ജില്ലാ അതിർത്തിയായ പുലാമന്തോളിൽ സ്വീകരണം നൽകാൻ വളാഞ്ചേരി കോൺഗ്രസ് ഭവനിൽ ചേർന്ന നേതൃയോഗം തീരുമാനിച്ചു. യു.ഡി.എഫ്. ജില്ലാ ചെയർമാൻ പി.ടി. അജയ്‌മോഹൻ ഉദ്ഘാടനംചെയ്തു. വി. മധുസൂദനൻ അധ്യക്ഷതവഹിച്ചു.

ജാഥാ ജില്ലാ കോ -ഓർഡിനേറ്റർ ഇ. മുഹമ്മദ്കുഞ്ഞി മുഖ്യപ്രഭാഷണം നടത്തി. കെ.പി.സി.സി. സെക്രട്ടറി വി. ബാബുരാജ്, ഡി.സി.സി. ഭാരവാഹികളായ പി.സി.എ. നൂർ, ടി.പി. മുഹമ്മദ്, കെ. പദ്മകുമാർ, സക്കീർ പുല്ലാര, സി. സുകുമാരൻ, സി. ഉമ്മർ ഗുരുക്കൾ, ശശി മങ്കട, പി. രാധാകൃഷ്ണൻ, ഷഹനാസ് പാലക്കൽ, ടി.ടി. ഷഹർബാൻ, പ്രകാശൻ കാലടി തുടങ്ങിയവർ പ്രസംഗിച്ചു.