സ്വർണ്ണ കള്ളക്കടത്ത് കേസ്; സി.ബി.ഐ അന്വേഷണം ആവശ്യപ്പെട്ട് പാണ്ടികശാലയിൽ കോൺഗ്രസ് സമര സദസ്സ് സംഘടിപ്പിച്ചു

കുറ്റിപ്പുറം: മുഖ്യമന്ത്രിയുടെ ഓഫീസുൾപ്പെട്ട രാജ്യാന്തര സ്വർണ്ണ കള്ളക്കടത്ത് കേസ് സി.ബി.ഐ അന്വേഷിക്കുക, കൊഫേപോസെ നിയമപ്രകാരം മുഖ്യമന്ത്രി ഉൾപ്പെടെയുള്ളവർക്കെതിരെ കേസെടുക്കുക എന്നീ ആവശ്യങ്ങളുന്നയിച്ച് കെ.പി.സി.സി യുടെ ആഹ്വാന പ്രകാരം പാണ്ടികശാല വാർഡ് കമ്മിറ്റിയുടെ നേതൃത്വത്തിൽ നടന്ന സമര സദസ്സ് കുറ്റിപ്പുറം മണ്ഡലം കോൺഗ്രസ്സ് കമ്മിറ്റി പ്രസിഡണ്ട് പാറക്കൽ ബഷീർ ഉൽഘാടനം ചെയ്തു. ടി.പി.അബ്ദുള്ളക്കുട്ടി ആദ്ധ്യക്ഷം വഹിച്ചു.ഹമീദ് പാണ്ടികശാല, ടി.പി.ബാവനു ,എം.അമീർ ബാബു, സമദ് കടമ്പിൽ, വി.പി. ബാസിത് എന്നിവർ സംസാരിച്ചു.