പൗരത്വ നിയമ ഭേദഗതിക്കെതിരേ വളാഞ്ചേരി നഗരസഭാംഗം ഉപവാസമിരുന്നു

വളാഞ്ചേരി: പൗരത്വ നിയമ ഭേദഗതിക്കെതിരേ വളാഞ്ചേരി നഗരസഭാംഗം ചേരിയിൽ രാമകൃഷ്ണൻ ഉപവാസമിരുന്നു. ചൊവ്വാഴ്ച രാവിലെ പത്തിന് നഗരത്തിൽ കോഴിക്കോട് റോഡിൽ ദേശീയപാതയോരത്ത് സമരം ആരംഭിച്ചു. അഡ്വ. പി.എ. പൗരൻ ഉദ്ഘാടനംചെയ്തു.

സി.എച്ച്. അബൂയൂസഫ് ഗുരുക്കൾ അധ്യക്ഷതവഹിച്ചു. ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടി, നഗരസഭാധ്യക്ഷ സി.കെ. റുഫീന, വൈസ് പ്രസിഡന്റ് കെ.എം. ഉണ്ണിക്കൃഷ്ണൻ, അഷറഫ് അമ്പലത്തിങ്ങൽ, ടി.പി. അബ്ദുൾഗഫൂർ, സലാം വളാഞ്ചേരി, വി.പി. അബ്ദുറഹ്‌മാൻ, പറശ്ശേരി അസൈനാർ, വി.പി.എം. സാലിഹ് തുടങ്ങിയവർ പ്രസംഗിച്ചു. ഉപവാസം ഇന്ന് രാവിലെ പത്തിന് സമാപിക്കും.