കുറ്റിപ്പുറം ബസപകടം; ദേശീയപാതാ അസിസ്റ്റന്റ് എൻജിനീയറെ കോൺഗ്രസ് പ്രവർത്തകർ തടഞ്ഞുവച്ചു

കുറ്റിപ്പുറം: കുറ്റിപ്പുറം റെയിൽവേ മേൽപ്പാലത്തിൽ ഇന്നുണ്ടായ ബസ്സപകടത്തിൽ പ്രതിഷേധിച്ച് കോൺഗ്രസ് പ്രവർത്തകർ ദേശീയപാത അസിസ്റ്റന്റ് എഞ്ചിനീയറെ തടഞ്ഞുവച്ചു. ഇന്ന് രാവിലെ നടന്ന അപകടത്തിൽ നിരവധി യാത്രക്കാർക്ക് പരിക്ക് പറ്റിയിരുന്നു. അപകടത്തിന് പ്രധാന കാരണം പൊട്ടിപൊളിഞ്ഞ റോഡിന്റെ ശോചനീയാവസ്ഥയാണെന്നും ഇതിനൊരു പരിഹാരം ഉടൻ ഉണ്ടാക്കണം എന്നും ആവശ്യപ്പെട്ടുകൊണ്ടാണ് 50 ഓളം കോൺഗ്രസ് പ്രവർത്തകർ ഇന്ന് ഉച്ചക്ക് ദേശീയപാത അസിസ്റ്റന്റ് എൻജിനീയറുടെ കാര്യാലയം ഉപരോധിച്ചു എൻജിനീയറെ തടഞ്ഞുവെച്ചത്. ഉപരോധത്തെ തുടർന്ന് ഉടനെ തന്നെ പ്രശ്നങ്ങൾ പരിഹരിക്കാം എന്ന് എൻജിനീയർ ഉറപ്പ് നൽകി. ഉപരോധ സമരത്തിന് ബ്ലോക്ക് പ്രസിഡന്റ് അഡ്വ. മുജീബ് കൊളക്കാട് ഭാരവാഹികൾ കെ.ടി സിദ്ധീഖ്, അഹമ്മദ് കുട്ടി ചെമ്പിക്കൽ, കോൺഗ്രസ് നേതാക്കളായ സി.മൊയ്‌ദീൻകുട്ടി, ടി.വി അബ്ദുള്ളക്കുട്ടി, ഭാസ്കരൻ ഇറക്കിങ്ങൽ, സുൾഫിക്കർ ഏ. എ, കമ്പാല ബഷീർ, പാറക്കൽ അബു, ഹുസൈൻ കുറ്റിപ്പുറം എന്നിവർ നേതൃത്വം നൽകി.