ആറുമാസം പ്രസവാവധി ഇനി കരാർ ജീവനക്കാർക്കും

തിരുവനന്തപുരം: കരാർ അടിസ്ഥാനത്തിൽ സർക്കാർ, അർദ്ധസർക്കാർ സ്ഥാപനങ്ങളിൽ ജോലി ചെയ്യുന്നവർക്കും 180 ദിവസത്തെ പൂർണ ശമ്പളത്തോടെയുള്ള പ്രസവാവധി അനുവദിച്ച് സർക്കാർ ഉത്തരവിറക്കി. 2018 മുതൽ മുൻകാല പ്രാബല്യം ഉണ്ടായിരിക്കും. ഇതനുസരിച്ച് സർവീസ് ചട്ടങ്ങളിലും ആവശ്യമായ ഭേദഗതികൾ വരുത്തും. 2018 ഫെബ്രുവരി 27നുള്ള കോടതി ഉത്തരവനുസരിച്ചാണ് വനിതാ ജീവനക്കാർക്ക് ആറു മാസത്തെ പ്രസവാവധി നൽകിയത്. എന്നാൽ ഒരു വർഷത്തിൽ താഴെ കാലാവധിയുള്ള വനിതാ ജീവനക്കാർക്ക് നിലവിൽ ഇൗ ആനുകൂല്യം ലഭിച്ചിരുന്നില്ല.